Singrauli News: म्हैस चक्क घराच्या छतावर चढली|VIDEO

मध्यप्रदेशच्या सिंगरौली जिल्ह्यातील एक अनोखी आणि गंमतीशीर घटना सध्या सोशल मीडियावर चांगलीच व्हायरल होत आहे. दादर गावामध्ये एका म्हशीने चक्क १२ फूट उंचीच्या घराच्या छतावर चढून सर्वांनाच आश्चर्यचकित केलं आहे. या दृश्याने गावकऱ्यांची खदखदून हसत होते, पण त्याचवेळी म्हशीला खाली कसं उतरवायचं, याचीही चिंता सतावू लागली.

ही घटना दादर ग्रामाची असून, सकाळी मुसळधार पावसामुळे म्हैस राहते त्या जागी चिखल व पाणी साचले होते. म्हशीची दोरी सुटल्यामुळे ती चिखलापासून वाचण्यासाठी इकडेतिकडे फिरू लागली. फिरता फिरता ती राम सूरत यादव यांच्या घराजवळ पोहोचली आणि थेट पायर्‍या चढून छतावर जाऊन पोहोचली.

गावकऱ्यांनी हे दृश्य पाहताच गर्दी केली. सर्वांनी खूप वेळ प्रयत्न करून म्हशीला खाली उतरवण्याचा प्रयत्न केला, पण ते शक्य झालं नाही. अखेर क्रेन मागवण्यात आली आणि काही तासांच्या अथक प्रयत्नांनंतर म्हशीला सुरक्षित खाली उतरवण्यात आलं.

ही घटना सध्या सोशल मीडियावर जोरदार व्हायरल होत असून लोक म्हशीच्या या भन्नाट कारनाम्यावर हसत आहेत.