होर्डिंग दुर्घटनेत १४ बळी गेल्यानंतर BMC प्रशासन खडबडून जागं, बेकायदा होर्डिंग हटवण्यास सुरुवात| Ghatkopar Hoarding collapse

मुंबईत काल वादळी वाऱ्यामुळं घाटकोपरमध्ये होर्डिंग कोसळले. यात १४ जणांचा मृत्यू झाला. या घटनेनंतर महापालिका प्रशासन खडबडून जागं झालंय. त्यांनी मुंबईतील अनधिकृत होर्डिंग काढण्यास सुरुवात केली आहे. मुंबईत जवळपास हजाराच्या वर अधिकृत होर्डिंग आहेत. संबंधितांना नोटिसा पाठवणार असून, स्ट्रक्चरल ऑडिट करून १० दिवसांच्या आत त्याचा अहवाल पाठवण्याचे आदेश महापालिकेकडून देण्यात आले आहेत. तर १८० होर्डिंग या रेल्वेच्या जागेत आहेत. ज्या होर्डिंग या रेल्वेच्या जागेत आहेत, त्यांनाही नोटिसा पाठवल्या जाणार आहेत.