Maharashtra Politics : आणखी एक भाजप आमदार तुतारी हाती घेणार ? महत्वाची माहिती आली समोर

भाजपचे विधानपरिषदेचे आमदार रणजित सिंग मोहिते पाटील हे शरद पवार यांची भेट घेण्यासाठी गेले आहेत. वाय. बी. चव्हाण सेंटर इथे ते शरद पवार यांची भेट घेण्यासाठी पोहोचले. मात्र प्रसार माध्यमांच्या भितीने त्यांनी शरद पवार यांची भेट न घेताच या ठिकाणावरून काढता पाय घेतला.

वाय. बी. चव्हाण सेंटर इथे आज शरद पवार हजर आहेत. यावेळी भाजपचे विधानपरिषदेचे आमदार रणजित सिंग मोहिते पाटील हे त्यांची भेट घेण्यासाठी गेले होते. मात्र परिसरात मोठ्या प्रमाणात माध्यम प्रतिनिधी असल्याने त्यांनी शरद पवार यांची भेट न घेताच इथून काढता पाय घेतला. रणजित सिंग हे माढा विधानसभा मतदारसंघातून निवडणूक लढवण्यास इच्छुक आहेत. याच अनुषंगाने ते शरद पवार यांची भेट घेण्यासाठी पोहोचले होते. मात्र भेट न घेताच रणजित सिंग मोहिते पाटील माघारी फिरले आहेत. यापूर्वी देखील माढा विधानसभेतून अनेक इच्छुकांनी तुतारी हातात घेतली आहे. त्यातच आता रणजित सिंग मोहिते पाटील हे देखील शरद पवारांच्या भेटीसाठी आल्याने ते पण विधानसभेच्या रिंगणात तुतारी हाती घेणार का? अशा चर्चा आता सुरू झाल्या आहेत.