BJP News : राज्यात महायुतीची जोरदार मुसंडी, भाजप कार्यालयात जल्लोष सुरु!

महायुतीच्या गोटात सध्या 217 जागा जातांना दिसत आहेत. विधानसभा निवडणुकीच्या निकालाची आकडेवारी आता समोर यायला लागली आहे. त्यानंतर राज्यातलं चित्र स्पष्ट व्हायला लागलं आहे. मतमोजणी सुरू झाल्या पासूनच भाजप आणि महायुतीला सर्वाधिक जागांवर आघाडी मिळतांना दिसत आहे. सध्या महायुतीची 217 जागांवर आघाडी आहे. त्यामुळे ही विजयाच्या दिशेने वाटचाल महायुती करत असल्याने आता ठिकठिकाणी कार्यकर्त्यांकडून जल्लोष केला जात आहे. भाजप कार्यालयाच्या बाहेर या आघाडीचा जल्लोष साजरा केला जात आहे. कार्यकर्ते भाजप कार्यालयाबाहेर फटाके फोडून गुलाल उधळून आनंद व्यक्त करत आहे. यावेळी पेढ्यांचं देखील वाटप करण्यात येत आहे. एकूणच या निकालांच्या आकडेवारीवरून राज्यात पुन्हा महायुतीचं सरकार येईल का, याबद्दल चर्चा सुरू झाल्या आहेत. दुसरीकडे महाविकास आघाडीकडून मात्र या आकडेवारीबद्दल शंका व्यक्त करण्यात येत आहे.

Edited By Rakhi Rajput