BMC Mayor: मुंबईचा कारभारी ठरला! लाडकी बहीण झाली BMC ची महापौर, मराठमोळ्या रितू तावडेंच्या हाती सूत्रे

मुंबई महानगरपालिकेला अखेर महापौर मिळाला. मुंबई महानगरपालिकेच्या महापौरपदी भाजपच्या रितू तावडे आणि उपमहापौरपदी शिवसेना शिंदे गटाचे संजय घाडी यांची बिनविरोध निवड करण्यात आली. रितू तावडे यांनी महापौरपदाची सूत्रे हाती घेतली. मुख्यमंत्री देवेंद्र फडणवीस आणि उपमुख्यमंत्री एकनाथ शिंदे यांच्या उपस्थितीमध्ये मुंबई महानगर पालिकेच्या महापौरपदी रितू तावडे आणि उपमहापौरपदी संजय घाडी विराजमान झाले. मुंबई महापालिकेच्या इतिहासात दुसऱ्यांदा भाजपच्या महापौराची निवड झाली आहे. मुंबई महानगरपालिकेमध्ये रितू तावडे या भाजपच्या पहिल्या महिला महापौर आहेत. आतापर्यत मुंबई महानगरपालिकेवर शिवसेनेची सत्ता होती. मुंबई महानगर पालिकेवर दुसऱ्यांदा भाजपचा झेंडा फडकला. रितू तावडे यांनी महापौरपदाची सुत्रे हाती घेतल्यानंतर भाजपच्या नगरसेवकांनी एकच जल्लोष केला. यावेळी 'जय श्रीराम' आणि 'मोदी मोदी'च्या घोषणा देण्यात आल्या.