JP Nadda News : भाजपाध्यक्ष जे. पी. नड्डा यांना पक्षाकडून नवी जबाबदारी?

नवी दिल्ली : भाजपचे राष्ट्रीय अध्यक्ष आणि केंद्रीय मंत्री जे पी नड्डा यांच्यावर पुन्हा नवी जबाबदारी सोपवण्याची शक्यता आहे. नड्डा यांना राज्यसभेतील नेता बनवले जाण्याची शक्यता आहे, अशी माहिती सूत्रांनी दिली आहे. येत्या अधिवेशनात नड्डा यांच्या नावाची घोषणा होण्याची शक्यता आहे. यापूर्वी राज्यसभेत पियूष गोयल हे नेते होते. मात्र ते लोकसभा निवडणुकीत निवडून आल्याने ती जागा रिक्त झाली आहे.

दरम्यान, काही दिवसांपूर्वी लोकसभा अधिवेशनाच्या पार्श्वभूमीवर केंद्रीय मंत्री राजनाथ सिंह यांच्या निवासस्थानी बैठक झाली. या बैठकीत लोकसभा अध्यक्षपद आणि उपाध्यक्षपदा बाबत चर्चा झाली. या बैठकीला मंत्री अश्विनी वैष्णव, जेपी नड्डा, किरण रेजीजू यांच्यासह एनडीएमधील घटक पक्षातील नेतेही उपस्थित होते. लोकसभा अध्यक्ष पदाबाबतच्या निवडीची राजनाथ सिंह यांच्यावर जबाबदारी सोपवण्यात आल्याची माहिती सूत्रांनी दिली आहे.