Maharashtra Politics : महाराष्ट्रात निवडणुका, दिल्लीत हालचाली; भाजप बैठकीत काय चर्चा झाली?

भाजप महाराष्ट्र सूकाणू समितीच्या (कोअर कमिटी) बैठकीनंतर प्रदेशाध्यक्ष चंद्रशेखर बावनकुळे यांनी माध्यमांशी संवाद साधला. या बैठकीत नेमकी काय चर्चा झाली, याबाबत त्यांनी सविस्तर माहिती दिली. महायुती २८८ जागांवर लढणार आहे. बहुमतानं महायुतीचं सरकार येईल, असा विश्वास त्यांनी व्यक्त केला.

आमच्या पक्षाकडील सध्याच्या जागांवर चर्चा झाली. अमित शाह यांच्यासह सर्व पदाधिकारी या बैठकीला उपस्थित होते. संभाव्य नावांवर चर्चा करण्यात आली, असंही ते म्हणाले.

प्रचंड ताकदीने महायुती लढणार आहे. आमचा समन्वय चांगला झाला आहे. आम्ही २८८ मतदारसंघांत समन्वय समित्या स्थापन केल्या आहेत. सीईसी झाल्यानंतर पहिली यादी येईल. कोणाला तिकीट द्यायचे आणि नाही हा अधिकार सीईसीचा आहे, असंही बावनकुळे यांनी स्पष्ट केले.