Chitra Wagh : चित्रा वाघ यांनी राज्यपाल नियुक्त आमदार म्हणून घेतली शपथ

राज्यपाल नियुक्त आमदारांचा आज शपथविधी विधानसभा निवडणुकीच्या घोषणेपूर्वी राज्यात मोठ्या राजकीय घडामोडी घडताना दिसत आहेत. अशातच आता राज्य सरकारकडून राज्यपाल नियुक्त 12 जागांपैकी 7 जागांसाठी उमेदवारांची नावे राज्यपालांकडे पाठवण्यात आली. त्यानंतर आज दुपारी या आमदारांचा शपथविधी पार पडला. भाजपकडून राज्यपाल नियुक्त विधानपरिषद आमदार म्हणून पक्षाच्या महिला प्रदेशाध्यक्षा चित्रा वाघ यांनी यावेळी शपथ घेतली. भाजपचा आक्रमक चेहरा म्हणून चित्रा वाघ यांच्याकडे पहिलं जातं. राष्ट्रवादीत प्रदेशाध्यक्ष म्हणून काम पाहिल्यानंतर त्यांनी भाजपमध्ये प्रवेश केला आहे. सध्या भाजपमध्ये महिला आघाडी प्रदेशाध्यक्ष म्हणून त्या पक्षाच काम सांभाळत आहेत.

विधानसभा निवडणुकीच्या घोषणेपूर्वी राज्यात मोठ्या राजकीय घडामोडी घडल्या आहेत. राज्य सरकारकडून राज्यपाल नियुक्त 12 जागांपैकी 7 जागांसाठी उमेदवारांची नावे राज्यपालांकडे पाठवण्यात आली होती. त्यानुसार राज्यपालांनी या नावांना मंजूरी दिली होती. या आमदारांचा आज शपथविधी झाला. भाजपकडून राज्यपाल नियुक्त विधानपरिषद आमदार म्हणून पक्षाच्या महिला प्रदेशाध्यक्षा चित्रा वाघ यांच्यासह विक्रांत पाटील आणि बाबू सिंग महाराज राठोड यांना संधी देण्यात आली आहे.