Vidhan Sabha Election Results : सुरुवातीच्या कलात भाजपने गाठलं शतक!

भाजपने मतांतील आघाडीच्या अकडेवारीत शतक गाठलेलं आहे. त्यामुळे निवडणूक आयोगाच्या अधिकृत संकेत स्थळावर सध्या भाजप हा मोठा पक्ष ठरला आहे. मतमोजणीतील सकाळच्या सुरुवातीच्या कलात महायुती आणि विशेषत: भाजप आघाडीवर असल्याचं दिसून आलं आहे.

महाराष्ट्रात विधानसभा निवडणुकीची रणधुमाळी शेवटच्या टप्प्यात आली आहे. आज निकालाचा दिवस असून सकाळपासूनच मतमोजणीला सुरुवात झाली आहे. यात सकाळच्या सुरुवातीच्या कलात भाजपने आघाडीत शतक पार केलं आहे. त्यामुळे सध्या निवडणूक आयोगाच्या संकेतस्थळावर भाजप हा सर्वात मोठा पक्ष ठरला आहे. राज्यातील अनेक भागात भाजपच्या उमेदवारांना आघाडी मिळतांना दिसत आहे. त्यामुळे मविआ आणि महायुतीत चुरशीची लढत रंगली आहे. पहिल्या काही वेळातच भाजपच्या बाजूने मतमोजणीचा कल यायला लागल्यानंतर आता भाजप आणि महायुतीने बहुमताचा आकडा पार केलेला दिसत आहे. शिंदे सेना सध्या 53 जागांवर आघाडी करत आहे. तर अजित पवार यांच्या गटाची 33 जागांवर आघाडी आहे. अद्याप पूर्ण मतमोजणी होणं बाकी आहे. त्यानंतरच अंतिम निकाल समोर येणार आहेत. मात्र सुरुवातीचा कल हा भाजपच्या बाजूने असल्याचं बघायला मिळत आहे.

Edited By Rakhi Rajput