VIDEO : अजित पवारांना विधानसभे पूर्वी बसणार मोठा धक्का ?

विधानसभे पूर्वी अजित पवार यांच्या गटातील अनेक महत्वाचे नेते शरद पवार यांच्या गळाला लागण्याची शक्यता आहे. कारण लोकसभेनंतर आता विधानसभेत देखील अजित पवार यांना शह देण्याची रणनिती शरद पवार यांनी आखलेली दिसत आहे. विधानसभा निवडणूक जाहीर झाल्यानंतर अजितदादांना आणखीन काही धक्के बसू शकतात, असं सूत्रांकडून सांगण्यात येत आहे. शरद पवार यांच्या गळाला लागलेले नेते नेमके कोणते हे बघणं येणाऱ्या काळात महत्वाचं ठरणार आहे. यात रामराजे नाईक निंबाळकर हे देखील लवकरच तुतारी हातात घेणार असल्याचं बोललं जात आहे. अतुल बेणके, हिरामण खोसकर हे देखील शरद पवार यांच्या पक्षात प्रवेश करणार असल्याचं बोललं जात आहे. त्याचबरोबर बबन शिंदे यांचे पुत्र रणजित शिंदे देखील लवकरच तुतारी हाती घेणार असल्याचं सूत्रांकडून सांगण्यात आलं आहे. त्याचबरोबर डॉ. राजेंद्र शिंगणे, संजयमामा शिंदे, नरहरी झिरवळ यांचे पुत्र गोकुळ झिरवळ, अजित गव्हाणे असे अनेक बडे नेते अजित पवारांची साथ सोडणार असल्याचं बोललं जात आहे.