Baramati Lok Sabha: EVM गोडाऊनमधील CCTV बंद का? Saam TV च्या बातमीनंतर आयोगाचं स्पष्टीकरणही समोर

बारामती : बारामतीच्या सीसीटीव्ही प्रकरणावर अखेर निवडणूक आयोगानं स्पष्टीकरण दिलंय. इलेक्ट्रीक कामासाठी केबल काढल्यामुळे सीसीटीव्ही बंद होते, असं स्पष्टीकरण आयोगानं दिलंय. तब्बल ४५ मिनिटं बारामतीच्या ईव्हीएम गोडाऊनमधील सीसीटीव्ही मॉनिटरिंग बंद होतं, अशी बातमी साम टीव्हीनं सगळ्यात आधी दिली होती. त्यानंतर प्रशासकीय अधिकाऱ्यांची एकच धावपळ उडाली. दरम्यान, सामच्या वृत्तानंतर आता निवडणूक आयोगानं स्पष्टीकरणही दिलंय. बारामतीत ईव्हीएमच्या गोडाऊनमधील सीसीटीव्ही बंद असल्यानं अनेक शंकाही उपस्थित केल्या जात होत्या. त्यावरुनही राजकारण तापत असतानाच प्रशासनाकडूनही साम टीव्हीच्या बातमीची गंभीर दखल घेण्यात आल्याचं पाहायला मिळालंय.