Maharashtra Election : मी काय म्हातारा दिसायला लागलो का? अजित पवार असं का म्हणाले, बघा VIDEO

Ajit Pawar NCP : अजित पवार यांनी ३० वर्षे बारामतीत चांगले काम केले, अशा शब्दांत शरद पवार यांनी कौतुक करतानाच, वयावरून टोला लगावला होता. प्रसारमाध्यमांच्या प्रतिनिधींनी याबाबत प्रतिक्रिया विचारली असता, अजित पवारांनी मिश्किल टिप्पणी केली आहे.

अजित पवार म्हणाले की, साहेबांनी कौतुक केलं हे चांगले वाटतं. पण साहेब पुढचं म्हणाले ते चांगलं नाही वाटत. आता म्हातारा दिसायला लागलो का? आता सुद्धा सांगा पाहिजे ते करायला तयार आहे.

काय म्हणाले होते शरद पवार?

बारामती मतदारसंघातील लोक भारी आहेत. दरवेळी मला त्यांनी निवडून दिलेले आहे. बारामतीच्या जनतेने १४ वेळा संधी दिली. त्यामुळे आता नवीन लोकांना संधी दिली पाहिजे. माझी ३० आणि अजित पवार यांची ३० अशी ६० वर्षे झाली. त्यामुळे पुढील ३० वर्षांसाठी सुशिक्षित उमेदवार म्हणून संधी द्यायला हवी, असे शरद पवार म्हणाले होते.