राष्ट्रवादीचे दोन्ही गट एकत्र येणार? बारामतीमधील बॅनरवरून राजकीय वर्तुळात चर्चांना उधाण

बारामती विधानसभा पोटनिवडणुकीसाठी अर्ज भरण्याआधी सुनेत्रा पवारांच्या नेतृत्वात बारामतीत राष्ट्रवादीचा मेळावा होत आहे. या मेळाव्यात महायुतीमधील दिग्गज नेत्यांनी हजेरी लावली आहे. या मेळाव्यातील एका बॅनरने सर्वांचे लक्ष वेधून घेतलं आहे. राष्ट्रवादीच्या मेळाव्यातील मुख्य बॅनरवर शरद पवारांचा देखील फोटो असल्याने राजकीय वर्तुळात चर्चांना उधाण आलं आहे. यामुळे दोन्ही राष्ट्रवादी एकत्र येण्याच्या चर्चांना वेग येणार असल्याची चर्चा रंगली आहे. बॅनरमध्ये पंतप्रधान नरेंद्र मोदी, गृहमंत्री अमित शहा यांच्या फोटोनंतर खासदार शरद पवार यांचा फोटो पाहायला मिळत आहे. बॅनरमध्ये राष्ट्रवादी काँग्रेस शरदचंद्र पवार पक्षाच्या दुसऱ्या कुठल्याच नेत्याचा फोटो नाही. महायुतीच्या नेत्यांच्या फोटोसोबत शरद पवारांचा फोटो असल्याने ही चर्चा सुरू झाली आहे.