बदलापूर पश्चिमेकडील मांजर्ली परिसरातील मोहन ग्रीनवुड येथे २४ जून रोजी सायंकाळी ६ वाजता दोन दुचाकीस्वारांनी स्टंट करत धिंगाणा घातल्याची घटना समोर आली आहे. या स्टंटबाजांनी प्रथम रस्त्याने जाणाऱ्या एका महिलेला उडवलं, त्यानंतर दुसऱ्या दुचाकीला धडक दिली आणि स्वतःही खाली पडले.ही धक्कादायक घटना स्थानिक ट्युशन क्लासच्या बाहेर घडली आहे. क्लासच्या बाहेर उभ्या असलेल्या विद्यार्थिनींच्या समोर ‘शायनिंग’ मारण्यासाठी या तरुणांनी स्टंटबाजी केल्याचा अंदाज व्यक्त केला जात आहे.
घटनेनंतर परिसरात खळबळ माजली असून, नागरिकांमध्ये संतापाचे वातावरण आहे. मात्र, या घटनेला आता दोन दिवस उलटल्यानंतरही बदलापूर पश्चिम पोलिसांकडून कोणतीही ठोस कारवाई करण्यात आलेली नाही. स्थानिक नागरिकांनी पोलिसांकडे त्वरित कारवाईची मागणी केली असून, स्टंटबाजांवर कठोर कारवाई होणे गरजेचे असल्याचं स्पष्ट केलं आहे. अन्यथा अशा प्रकारच्या घटना पुन्हा घडण्याची भीती व्यक्त केली जात आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.