Badlapur Politics: बदलापूर बाल लैंगिक अत्याचारातील सहआरोपी तुषार आपटेचा राजीनामा

बदलापूर कुळगाव नगरपालिकेतील भाजपचे स्वीकृत नगरसेवक तुषार आपटेने आपल्या नगरसेवक पदाचा अखेर राजीनामा दिला. तुषार आपटे हे बाल लैंगिक अत्याचार प्रकरणातील आरोपी देखील आहेत. पक्षाच्या आदेशानंतर वरिष्ठांकडे तुषार आपटेने आपला राजीनामा दिलाय. शुक्रवारी कुळगाव बदलापूर नगरपरिषदेच्या कार्यकारणी बैठकीत आपटेने स्वीकृत नगरसेवक पदावर नियुक्त करण्यात आले होते. त्यानंतर मात्र समाजातून तीव्र पडसाद येत होत्या. तुषार आपटे यांच्या राजीमान्यावर मनसेनं भाजपला मोर्चाचा इशारा दिला होता. जर भाजपने तुषार आपटे यांचा स्वीकृत नगरसेवकपदाचा राजीनामा घेतला नाही तर येत्या १३ किंवा १४ जानेवारीला मनसे बदलापूरमध्ये मोर्चा काढेल आणि आंदोलन करेल, असा इशारा अविनाश जाधव यांनी दिला होता.