बीडच्या माजी नगराध्यक्ष बाबरी मुंडे यांचा भाजपला रामराम
अजित पवार यांच्या राष्ट्रवादी काँग्रेसमध्ये प्रवेशाचा निर्णय
पक्षाकडून दुर्लक्षित केल्यामुळे घेतला पक्षप्रवेशाचा निर्णय
प्रकाश सोळंके यांच्या मार्गदर्शनाखाली पुढील राजकारण
बीडमधील माजी नगराध्यक्ष बाबरी मुंडे यांनी भाजपला रामराम ठोकत राष्ट्रवादी काँग्रेस (अजित पवार गट) मध्ये प्रवेश करण्याचा निर्णय घेतला आहे. पक्षाच्या अंतर्गत पातळीवरील दुर्लक्षामुळे आपण भाजप सोडल्याचे स्पष्ट करत, त्यांनी 7 ऑगस्ट रोजी उपमुख्यमंत्री अजित पवार यांच्या उपस्थितीत प्रवेश करण्याची घोषणा केली आहे. बाबरी मुंडे म्हणाले, संघर्षाच्या काळात पक्षासाठी एकनिष्ठतेने काम केलं.
मात्र, पक्ष आणि नेत्यांकडून स्थानिक कार्यकर्त्यांकडे दुर्लक्ष झालं. न्याय मिळत नसेल, तर अशा पक्षात राहण्यात अर्थ नाही. राष्ट्रवादीचे नेते आमदार प्रकाश सोळंके यांच्या नेतृत्वाखाली बाबरी मुंडे पक्षप्रवेश करणार आहेत. आगामी राजकीय वाटचालीसाठी प्रकाश सोळंके यांचं मार्गदर्शन मान्य असल्याचंही त्यांनी सांगितलं.
या पक्षप्रवेशाची जिल्ह्यात मोठ्या प्रमाणावर चर्चा सुरू असून, कार्यक्रमाचे बॅनर झळकले असताना आमदार धनंजय मुंडे यांचा फोटो नसल्याने राजकीय वर्तुळात चर्चा तापली आहे. यावर प्रतिक्रिया देताना मुंडे म्हणाले कार्यकर्त्यांनी लावलेले बॅनर आहेत. कोणाला कार्यक्रमात बोलवायचं हे आमदार प्रकाश सोळंके यांचं ठरवलेलं आहे. बाबरी मुंडे यांनी सांगितले की अजित दादा जी जबाबदारी देतील ती मी प्रामाणिकपणे आणि सक्षमपणे पार पाडेन.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.