Video: मोठी बातमी! जितेंद्र आव्हाडांच्या गाडीवर हल्ला; संभाजीराजे छत्रपतींवरील 'ते' वक्तव्य भोवलं?

विशाळगड प्रकरणावरुन जितेंद्र आव्हाड यांनी संभाजीराजे छत्रपतींवर वक्तव्य केलं होतं. त्या वक्तव्यावरुन आता स्वराज्य संघटना आक्रमक झाली आहे. स्वराज्य संघटनेने आंदोलन करण्याचा इशारा देखील दिला होता. काल (31 जुलै रोजी) आव्हाडांच्या घराबाहेर सुरक्षेत वाढ देखील करण्यात आली होती. दरम्यान आज शरदचंद्र पवार गटाचे नेते जितेंद्र आव्हाड ठाण्याच्या दिशेने जात असताना त्यांच्या गाडीवर हल्ला करण्यात आला आहे. 3 जणांनी आव्हाडांच्या गाडीवर हल्ला केला आहे. आता आव्हाडांनी संभाजीराजे छत्रपतींवर केलेलं ते वक्तव्य त्यांना भोवणार असल्याची शक्यता वर्तवली जात आहे.