Ashadhi Wari : पुणे शहरातल्या संगमवाडीत तुकोबा आणि माऊलींच्या पालखीचा संगम|VIDEO

आषाढी वारीच्या पार्श्वभूमीवर आज संत तुकाराम महाराज आणि संत ज्ञानेश्वर माऊलींच्या पालख्या पुणे शहरात मोठ्या भक्तिभावाने दाखल झाल्या आहेत. पुण्यातील संगमवाडीत आज या दोन पवित्र पालख्यांचा भव्य संगम होणार असून, भाविकांच्या गर्दीत आणि टाळ-मृदुंगाच्या गजरात हा सोहळा पार पडणार आहे.आजच्या पालखी संगमानंतर पुढील दोन दिवस तुकोबा आणि माऊलींच्या पालख्यांचा पुण्यात मुक्काम असणार आहे.

तुकाराम महाराजांची पालखी निवडुंगा विठ्ठल मंदिरात तर माऊलींची पालखी भवानी पेठेतील विठोबा मंदिरात विसावणार आहे.पुणेकरांनी मोठ्या उत्साहाने आणि भक्तिभावाने दोन्ही पालख्यांचे स्वागत करणार असून, संपूर्ण शहर भक्तिरसाने न्हालं आहे. पोलिस आणि स्थानिक प्रशासनाकडून चोख बंदोबस्त करण्यात आला असून, रस्त्यांवर भक्तांची मोठी गर्दी दिसत आहे.