Velas Beach: अरबी समुद्राच्या उधाणाने रत्नागिरीतील वेळासचा रस्ता खचला; कासव पर्यटनाला फटका|VIDEO

पाऊस आणि अरबी समुद्राला आलेली मोठी भरती यामुळे रत्नागिरी जिल्ह्यातील वेळास किनाऱ्याला मोठ्या लाटांचा सामना करावा लागतो आहे. कासव पर्यटनासाठी प्रसिद्ध असलेल्या वेळास गावाकडे जाणाऱ्या किनाऱ्यावरील रस्त्याची लाटांमुळे मोठी दुरवस्था झाली आहे. बाणकोटपासून सुमारे तीन किलोमीटर वेळासला जोडणारा हा रस्ता समुद्रातील कचरा साचल्यामुळे वाहतुकीस बंद झालेला आहे. मुंबईसह कोकण किनारपट्टीवर मोठ्या लाटांचे पाणी काही प्रमाणात किनाऱ्यावरून आता शिरलेले होते. वेळास हे पर्यटनासाठी प्रसिद्ध असलेले गाव आहे. मात्र दोन दिवसांपासून आलेल्या लाटांनी किनाऱ्यावरील जुन्या संरक्षक भिंतींचे मोठे नुकसान झाले आहे. त्यामुळे वेळास गावाकडे जाणारी वाहतूक बंद झाली आहे.