Navi Mumbai : नवी मुंबई विमानतळाचं उद्घाटन कधी होणार? | VIDEO

नवी मुंबई आंतरराष्ट्रीय विमानतळाचं उद्घाटन येत्या १५ ऑगस्ट रोजी पंतप्रधान नरेंद्र मोदी यांच्या हस्ते होण्याची शक्यता वर्तवली जात आहे. सरकारकडून या दृष्टीने हालचाली वेगाने सुरू झाल्या असून, उद्घाटनाची तयारी अंतिम टप्प्यात पोहोचली आहे.या पार्श्वभूमीवर विमानतळाला राज्यातील १९ आमदारांनी भेट दिली असून, पाहणी दौऱ्यादरम्यान उभारणीच्या कामाचा आढावा घेण्यात आला आहे.

त्यामुळे लवकरात लवकर विमानतळ कार्यान्वित करण्यासाठी प्रशासन आणि यंत्रणा युद्धपातळीवर काम करत असल्याचे चित्र स्पष्टपणे दिसत आहे.नवी मुंबई आंतरराष्ट्रीय विमानतळ सुरू झाल्यास मुंबई विमानतळवरील प्रवासी भार कमी होण्यास मदत होणार असून, आर्थिकदृष्ट्या देखील हा प्रकल्प महाराष्ट्रासाठी महत्त्वपूर्ण ठरणार आहे.