मराठीच्या मुद्द्यावर एकत्र आलेले राज ठाकरे आणि उद्धव ठाकरे यांनी महापालिका निवडणुकीतही एकत्र यावे अशी मनसे आणि ठाकरेंच्या शिवसेनेचे नेते कार्यकर्ते, पदाधिकारी आणि सर्वसामान्य मुंबईकरांची इच्छा असल्याचं सुरुवातीला बोललं जात होतं. दोन्ही ठाकरे बंधूंनाही तसंच वाटलं. निवडणुकीची घोषणा झाली आणि दोन्ही ठाकरे बंधूंनी एकत्र येण्याचा निर्णय घेतला. तशी घोषणाही केली. खरं तर मनसे आणि ठाकरे सेना एकत्र आल्यानंतर नाराजीनाट्य रंगणार नाही अशी अपेक्षा होती. पण उमेदवारांची नावं घोषित झाली, उमेदवारी अर्ज भऱण्याचा शेवटचा दिवस आला आणि नाराजीनाट्य उफाळलं. काही ठिकाणी मनसे, तर काही ठिकाणी ठाकरेंच्या सेनेला नाराजीचा सामना करावा लागला.
उद्धव ठाकरेंचं निवासस्थान असलेल्या मातोश्रीबाहेर तर ठाकरे सेनेच्या कार्यकर्त्यांनी गोंधळ घातला. उमेदवारी अर्ज नाकारल्यानं इच्छुक कार्यकर्त्यांनी श्रद्धा जाधव यांच्याविरोधात संताप व्यक्त केला. आम्ही आता ऐकणार नाही. किती वर्षे झाली, श्रद्धा जाधव यांनाच उमेदवारी दिली जाते. आम्ही लेखी पत्र दिलं होतं. पण उमेदवारी त्यांनाच दिली जाते. इतकी वर्षे निष्ठा राखून काहीही फायदा नाही, अशा शब्दांत एका वयोवृद्ध महिला कार्यकर्त्यानं नाराजी व्यक्त केली.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.