Unseasonal Rain: अमरावतीत वादळी पावसामुळे जोरदार फटका! सर्वसामान्यांचं मोठं नुकसान

अमरावती : अचानक झालेल्या गारपिटीने आणि मुसळधार पावसाने अमरावतीकरांची तारांबळ उडवली. मोठ्या प्रमाणात अमरावतीमध्ये गावांना या पावसाचा फटका बसला. गारांचा पाऊस, सोसाट्याच्या वारा यामुळे अतोनात नुकसान झालं. वीज पुरवठाही खंडीत झाल्यानं लोकांना मनस्तापाला सामोरं जावं लागलं. अमरावती जिल्ह्यातील रामा साऊर या गावात अनेक घराची छप्पर उडाली. तर रात्रीपासून गावातील विद्युत पुरवठा खंडीत झाला आहे. नागरिकांच्या घरातील जीवनावश्यक वस्तू, इलेक्ट्रॉनिक साहित्य पूर्णपणे पावसात भिजले आहे. तर यासह वर्षभरासाठी घरात साठवून ठेवलेले अन्नधान्य सुद्धा पावसात भिजल्याने खराब झाले आहे.