Amol Kolhe: दिलीप वळसे पाटलांच्या मतदारसंघात कोल्हेंचा जनता दरबार!

पुणे: शिरुरचे खासदार अमोल कोल्हेंनी शब्द दिला होता की,लोकसभा निवडणुकीनंतर संपूर्ण वेळ हा जनतेसाठी देणार.आणि त्यांनी तो शब्द पाळला आहे.मालिकाविश्वातून त्यांनी सध्या ब्रेक घेतला आहे.अमोल कोल्हेंनी आज सहकारमंत्री दिलीप वळसे पाटील यांच्या मतदारसंघात जनता दरबार घेतला आहे.या जनता दरबारामध्ये लोकांचा चांगला प्रतिसाद देखील मिळत आहे.लोकसभा निवडणुकीनंतर सर्वच पक्ष आता विधानसभेच्या तयारीला लागले आहेत.त्यामध्ये कोल्हेंनी भरवलेल्या जनता दरबाराची सर्वत्र चर्चा सुरु आहे.दरम्यान हा जनता दरबार कुणाला शह देण्यासाठी नसून जनतेचे प्रश्न सोडविण्यासाठी आहे. असं खासदार अमोल कोल्हेंनी स्पष्ट केलं आहे.