Amit Shaha News : सत्ता स्थापनेच्या बैठकीत शरद पवार होते? अमित शहा यांचा मोठा खुलासा, पाहा Video

भाजपसोबत सत्ता स्थापनेसाठी झालेल्या बैठकीत शरद पवार उपस्थित होते, असा दावा अजित पवार यांनी केला आहे. शरद पवार यांनी हे दावे फेटाळले होते. त्यानंतर आता केंद्रीय गृहमंत्री अमित शहा यांनी देखील या बद्दल भाष्य केलं आहे. साम टीव्हीला दिलेल्या मुलाखतीत त्यांनी शरद पवार यांच्या सोबतच्या बैठकीवर स्पष्टीकरण दिलं आहे. या बैठकीत नेमकं काय झालं होतं याचा पूर्ण घटनाक्रमच अमित शहा यांनी सांगितलं.

विधानसभा निवडणुकीच्या अनुषंगाने गेल्या दोन तीन दिवसांपासून अजित पवार यांनी शरद पवार यांच्याबद्दल केलेल्या मोठ्या खुलाशानंतर राजकीय वर्तुळात चर्चा सुरू झाल्या होत्या. सत्तास्थापन करण्यासाठी भाजपसोबत झालेल्या बैठकीत स्वत: शरद पवार उपस्थित होते. त्यांनी वेळेवर निर्णय बदलल्याने सगळा दोष माझ्यावर आला, असा मोठा खुलासा अजित पवार यांनी केला होता. दुसरीकडे देवेंद्र फडणवीस यांनी देखील अजित पवार यांच्या या दाव्याला दुजोरा दिला होता. त्यानंतर शरद पवार यांनी हे आरोप फेटाळून लावले होते. मात्र आता खुद्द भाजपचे केंद्रीय गृहमंत्री अमित शहा यांनी साम टीव्हीला दिलेल्या मुलाखतीत याबद्दल माहिती दिली आहे. शरद पवार यांच्यासोबत झालेल्या बैठकीवर अमित शहा यांनी स्पष्टीकरण दिलं आहे. असे दावे होत राहतात. ते आमच्याविरुद्ध रिंगणात आहेत आणि त्यांचा पराभव निश्चितच होणार आहे, हे मात्र खरे आहे.

Edited By Rakhi Rajput