Ambadas Danve : दानवेंची महायुतीवर जोरदार टीका; बघा व्हिडिओ

इतके वर्ष रावसाहेब दानवे यांना पाकिस्तान चालत होता. 20-25 वर्षांत या पाकिस्तानला मोठं करणारे रावसाहेब दानवे हेच होते. आता आपला पराभव झाला म्हणून त्यांना पाकिस्तान दिसतो आहे. जिंकले असते तर वेगळं काही बोलले असते. अशी टीका विरोधी पक्ष नेते अंबादास दानवे यांनी रावसाहेब दानवे यांच्या वक्तव्यावर केली आहे. 'पालकमंत्री अब्दुल सत्तार यांच्यामुळे सिल्लोड तालुका म्हणजे पाकिस्तान झाला आहे. अशी टीका काल रावसाहेब दानवे यांनी केली होती. त्यावर वि. प. नेते अंबादास दानवे यांनी रावसाहेब दानवे यांच्यावर टीकास्त्र डागले.

सोमवारी छत्रपती संभाजीनगर येथे अंबादास दानवे यांनी पत्रकार परिषदेचे आयोजन केले होते. यात त्यांनी राज्यातील महायुती सरकारवर सडकून टीका केली. ''या सरकारने कोणत्याही रंगाचा पेहेराव घातला, हिरवा निळा, लाल, पांढरा, गुलाबी असं काहीही घातलं तरी आतून हे सरकार काळंच राहणार आहे. या सरकारचा मूळ रंग काळाच आहे'', असा टोलाही दानवे यांनी यावेळी लगावला. तसेच मागासले पण दूर करून मराठवाड्याला सुजलाम सुफलाम करू मुख्यमंत्र्यांची ही निव्वळ घोषणाच एका वर्षात राहिली असल्याचा गंभीर आरोप देखील अंबादास दानवे यांनी यावेळी राज्य सरकारवर केला.