Ajit Pawar : महायुतीत नाराजीनाट्य, भाजप खासदार येण्याआधीच अजितदादांनी केले उद्घाटन

Ajit Pawar Medha Kulkarni : पुण्यामध्ये महायुतीमधील नाराजीनाट्य समोर आलेय. अजितदादा पवार यांनी खासदार येण्याआधीच उद्घाटन केल्यामुळे नाराजीनाट्य समोर आलेय. अजित पवार आज पुणे दौऱ्यावर आहेत, यावेळी त्यांच्याकडून अनेक विकासकामाचे उद्घटन करण्यात आले. पंतप्रधान नरेंद्र मोदी मुंबई दौऱ्यावर आहेत, त्यांच्या दौऱ्यावेळी मुंबईत हजर राहण्यासाठी दादांकडून पुण्यात नियोजित वेळेआधीच कार्यक्रम आटोपण्याचा धडाका सुरू होता.

खासदार मेधा कुलकर्णी या विभागीय आयुक्त कार्यालयात पोहोचण्यापूर्वीच पालकमंत्री अजित पवार यांनी या ठिकाणी परशुराम आर्थिक विकास महामंडळाच्या नवीन इमारतीचे उद्घाटन केलं. त्यामुळे मेधा कुलकर्णी यांनी आपली नाराजी बोलून दाखवली. अजित पवार यांनी मला माहिती नव्हतं, असं उत्तर दिल्यानंतर मेधा कुलकर्णी असं कसं माहिती नव्हतं असे उत्तर दिले. त्यावर यानंतर पुन्हा अजित पवार यांनी इमारतीचे उद्घाटन केलं.