Maharashtra Politics: तानाजी सावंतांवर अजित पवारांचा पलटवार; म्हणाले “विनाशकाले विपरीत बुद्धी”|VIDEO

उपमुख्यमंत्री अजित पवार यांनी पुण्यातील गाजलेल्या जमीन व्यवहार प्रकरणी आपली भूमिका स्पष्ट केली आहे, तसेच राष्ट्रवादी काँग्रेसवर टीका करणाऱ्या मंत्री तानाजी सावंत यांनाही जोरदार प्रत्युत्तर दिले आहे. अजित पवार म्हणाले, 'विनाशकाले विपरीत बुद्धी, आम्हाला काही बोलायचं नाही, कारण आम्ही सुसंस्कृत महाराष्ट्रामध्ये राजकारण करतो'. यासोबतच, त्यांनी जमीन घोटाळ्याच्या आरोपांवर बोलताना सांगितले की, आपला या व्यवहाराशी थेट संबंध नसला तरी, या प्रकरणाची सखोल चौकशी झाली पाहिजे. मुख्यमंत्र्यांनी याप्रकरणी अतिरिक्त मुख्य सचिवांच्या अध्यक्षतेखाली चौकशी समिती नेमली असून, नोंदणी कार्यालयावर धाडी टाकण्यात आल्याची माहितीही त्यांनी दिली. पार्थ पवार यांच्यावर बोलताना, त्यांनी चौकशीत सत्य समोर येईल असे म्हटले आहे.