Ajit Pawar : अजित पवार गटाकडून स्टार प्रचारकांची यादी जाहीर; कोण आहेत नवीन चेहरे? वाचा

मुंबई : विधानसभा निवडणुकीसाठी अजित पवार गटाने स्टार प्रचारकांची घोषणा केली आहे. अजित पवार गटाने तब्बल २७ स्टार प्रचारकांची नावे जाहीर केली आहेत. या स्टार प्रचारकांच्या यादीत अभिनेते सयाजी शिंदे यांच्या नावाचाही समावेश आहे.

अजित पवार गटाने 'एक्स'वरून विधानसभेसाठी स्टार प्रचारकांची यादी जाहीर केली आहे. अजित पवार, सुनील तटकरे, प्रफुल्ल पटेल, छगन भुजबळ, सयाजी शिंदे या प्रमुख नावांचा या यादीत समावेश आहे. राज्यात २० नोव्हेंबर रोजी होणाऱ्या विधानसभा निवडणुकीसाठी राष्ट्रवादी काँग्रेसने २७ स्टार प्रचारकांची यादी जाहीर केली आहे.

अजित पवार गटाच्या यादीत अजित पवार, सुनील तटकरे, प्रफुल्ल पटेल, छगन भुजबळ आणि दिलीप वळसे पाटील यांचा समावेश आहे. तसेच पक्षाने नुकतेच पक्षात प्रवेश केलेले अभिनेते सयाजी शिंदे यांचीही निवड करण्यात आली आहे. तसेच धनंजय मुंडे, हसन मुश्रीफ, आदिती तटकरे यांचाही स्टार प्रचारक यादीत समावेश करण्यात आला आहे. दरम्यान, या यादीतून नवाब मलिक यांना वगळल्याने शरद पवार गटाने अजित पवार गटावर निशाणा साधला आहे.