Ajit Pawar: फेटा काढला अन् टोपी घातली; अजित पवारांचं जोरदार भाषण, VIDEO

सातारा येथील रहिमतपूर येथे झालेल्या पक्षप्रवेश कार्यक्रमात बोलताना उपमुख्यमंत्री अजित पवार यांनी जोरदार भाषण केले आहे. गेल्या काही दिवसांपासून पार्थ पवार प्रकरणानंतर त्यांच्यावर टीकेची झोड उठली होती. यानंतर अजित पवार यांनी पहिल्यांदाच भाषण केले. ते म्हणाले, मी नुसता बोलत नाही, मी करून दाखवतो, मी कामाचा माणूस आहे. सुनील माने यांच्यासह अनेक कार्यकर्त्यांची राष्ट्रवादी काँग्रेस पक्षात घरवापसी झाल्याचे त्यांनी सांगितले. सत्तेशिवाय लोकांची कामे होत नाहीत असे सांगत त्यांनी भाजपसोबत जाण्याच्या निर्णयाचे समर्थन केले. राज्यात अवकाळी पावसामुळे झालेल्या नुकसानीसाठी ४० हजार कोटी रुपयांपर्यंतचा खर्च वाढल्याचे ते म्हणाले. तसेच पुढच्या वर्षीच्या अर्थसंकल्पात शेतकऱ्यांसाठी पीक कर्जमाफीची घोषणा करणार असल्याचे आश्वासन दिले. पण कर्जमाफीसारखी होणार नाही,असेही त्यांनी स्पष्ट केले. विकासकामांवर भर देण्याचे आश्वासन देत सातारा मेडिकल कॉलेज आणि सैनिक स्कूलसाठी दिलेल्या निधीचाही त्यांनी उल्लेख केला.