Anjali Damania News | तर पुणे हिट अँड रन प्रकरणी अजित पवारांनी राजीनामा द्यावा, अंजली दमानिया यांची मागणी

पुण्यात हिट अँड रनमध्ये दोन जणांचा मृत्यू झाला होता. या आरोपीला वाचवण्यासाठी अजित पवारांनी फोन केला होता का असा सवाल सामाजित कार्यकर्त्या अंजली दमानिया यांनी विचारला आहे. एक्सवर (पूर्वीचे ट्विटर) एक व्हिडीओ पोस्ट करून दमानिया म्हणाल्या की जेव्हा हा अपघात झाला तेव्हा राष्ट्रवादीचे एक आमदार पोलिस स्टेशनमध्ये गेले होते. पण या प्रकरणात अजित पवार यांनी फोन करून आरोपीला वाचवण्याचा प्रयत्न केला होता का अशी शंका अंजली दमानिया यांनी उपस्थित केली आहे. यावर पुणे पोलिसांनी स्पष्टीकर द्यावे, जर अजित पवारांनी फोन केला असेल तर त्यांनी उपमुख्यमंत्रीपदाचा राजीनामा घ्यावा अशी मागणीही दमानिया यांनी केली आहे.