Ajit Pawar On Ladki Bahin Scheme: लाडकी बहीण योजनेत अनेक चुका उपमुख्यमंत्री अजित पवार यांची कबुली|VIDEO

विधानसभा निवडणुकीत गेमचेंजर ठरलेली लाडकी बहीण योजनेतील अपात्र महिलांची अनेक प्रकरणे समोर येत असून या योजनेत अनेक चुका झाल्या आहेत. अशी कबुलीच खुद्द उपमुख्यमंत्री अजित पवार यांनी दिली. योजनेतील अर्जाच्या पडताळणीचे काम सुरू असून गरजू आणि पात्र महिलांना लाभ दिला जाईल असे त्यांनी स्पष्ट सांगितले.

लाडकी बहीण योजना लागू केली तेव्हा निवणुकीमुळे अर्ज पडताळणीसाठी खूप कमी वेळ होता. निवडणूक आणि आचारसंहितेमुळे अर्ज पडताळणी करायला वेळ मिळाला नाही. मासिक उत्पन्न जास्तीत जास्त वीस हजार आणि वार्षिक उत्पन्न अडीच लाखांपर्यंत असलेल्या महिला या योजनेसाठी पात्र होत्या. ही योजना लागू होणार नाही, अशा काही महिलांनी अर्ज केले. त्यांना मिळालेले पैसे परत घेण्याचा प्रश्न नाही. परंतु यापुढे केवळ पात्र महिलांना मदत दिली जाईल असे पवार यांनी सांगितले.