Air India News: 25 कर्मचाऱ्यांना कामावरुन काढलं! सामूहिक सीक लीव्ह घेतल्यानं Air India एक्स्प्रेसची मोठी कारवाई

नवी दिल्ली : एअर इंडिया एक्स्प्रेसनं अचानक सुट्टीवर गेलेल्या कर्मचाऱ्यांवर कारवाईचा बडगा उगारलाय. एकूण २५ कर्मचाऱ्यांना नोकरीवरुन काढण्यात आल्याची माहिती समोर आली आहे. सामूहिक सीक लिव्हवर गेलेल्या कर्मचाऱ्यांमुळे कंपनीला मोठं आर्थिक नुकसान झाल्याचा ठपका ठेवत आणि शिस्तभंगाची कारवाई करत कर्मचाऱ्यांना कामावरुन तडकाफडकी काढून टाकण्यात आलं आहे. बुधवारी १०० हून अधिक कर्मचाऱ्यांनी अचानक आजारी असल्याचं सांगत सुट्टी घेतली होती. त्यामुळे एअर इंडियाची 90 उड्डाणे रद्द करावी लागली होती. दरम्यान, आता उर्वरीत कर्मचाऱ्यांनाही तातडीनं कामावर रुजू होण्याचं आवाहन कंपनीकडून करण्यात आलं आहे. अन्यथा त्यांच्यावरही कडक कारवाई केली जाण्याचा इशारा कंपनीकडून देण्यात आला आहे.