Air India: इराण-इस्राइल युद्धादरम्यान एअर इंडियाचा मोठा निर्णय, 'या' देशात जाणारी विमानसेवा रद्द

इराण-इस्राइल युद्धामुळे तणावपूर्ण परिस्थिती निर्माण झाली आहे. या तणावपूर्ण परिस्थितीमुळे विमान वाहतुकीवर परिणाम झाला आहे. इराण-इस्राइल युद्धादरम्यान एअर इंडियाने मोठा निर्णय घेतला आहे. एअर इंडियाने बहरीन, कुवेत, ओमान, कतार, सौदी अरेबिया आणि दुबईला जाणारी सर्व विमान उड्डाणं रद्द केली आहेत. युद्धाच्या परिस्थितीमुळे प्रवाशांना होणारा त्रास कमी करण्यासाठी हा निर्णय घेण्यात आला आहे. ज्यांचा प्रवास ५ मार्चपर्यंत नियोजित होता अशा प्रवाशांना तिकिटाचा पूर्ण परतावा मिळवण्याची सुविधाही देण्यात आली आहे. प्रवाशांच्या सुरक्षिततेच्या दृष्टीकोनातून हा निर्णय घेण्यात आला असला तरी अचानक विमान उड्डाण रद्द केल्यामुळे प्रवाशांची गैरसोय झाली आहे.