जालना महानगरपालिका निवडणुकीसाठी महायुती आणि महाविकास आघाडीमध्ये जागावाटपावरून चर्चेचे गुऱ्हाळ सुरू असतानाच एमआयएमने मात्र निवडणुकीच्या रणांगणात आघाडी घेतली आहे. एमआयएमने जालना महानगरपालिका निवडणुकीसाठी आपल्या उमेदवारांची पहिली यादी जाहीर केली असून आतापर्यंत जिल्हाध्यक्षांसह आठ उमेदवारांच्या नावांची घोषणा करण्यात आली आहे.
एमआयएमकडून जाहीर करण्यात आलेल्या पहिल्या यादीत प्रभाग क्रमांक 11 मधून तीन उमेदवार, प्रभाग क्रमांक 4 मधून दोन उमेदवार, प्रभाग क्रमांक 10 मधून दोन उमेदवार तर प्रभाग क्रमांक 15 मधून एका उमेदवाराच्या नावाची घोषणा करण्यात आली आहे.
महायुती आणि महाविकास आघाडीमध्ये अद्याप जागावाटपावर एकमत होत नसताना एमआयएमने उमेदवार जाहीर करून निवडणूक तयारीला वेग दिल्याचे पाहायला मिळत आहे. त्यामुळे जालन्यातील महापालिका निवडणुकीचे राजकीय वातावरण अधिकच तापण्याची शक्यता आहे.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.