तेजस्विनी पंडितने आईला दिला मुखाग्नी, अखेरचा निरोप देताना अश्रू अनावर; राज ठाकरेंची उपस्थिती! VIDEO

मराठी सिनेसृष्टीतील ज्येष्ठ अभिनेत्री ज्योती चांदेकर यांच्या पार्थिवावर आज अंत्यसंस्कार करण्यात आले. आईच्या पार्थिवावर अंत्यसंस्कार करताना अभिनेत्री तेजस्विनी पंडितने अंत्यविधी केला. यावेळी तिने आईला मुखाग्नी दिला. आईला निरोप देताना तेजस्विनी पंडितला अश्रू अनावर झाले. यावेळी तेजस्विनी ढसाढसा रडू लागली. तिला पाहून उपस्थितांना देखील रडू आवरले नाही.

ज्योती चांदेकर यांच्या अंत्यविधीला मनसे अध्यक्ष राज ठाकरे सुद्धा उपस्थित होते. तसंच, मराठी सिनेसृष्टीतील अनेक कलाकार देखील यावेळी उपस्थित होते. दरम्यान, अभिनेत्री ज्योती चांदेकर यांचं काल पुण्यात निधन झालं होतं. अल्पशा आजाराने त्यांनी वयाच्या ६९ व्या वर्षी अखेरचा श्वास घेतला. आईच्या निधनामुळे अभिनेत्री तेसज्विनी पंडितवर दु:खाचा डोंगर कोसळला आहे. ज्योती चांदेकर यांच्या जाण्याने मराठी नाट्य आणि चित्रपटसृष्टीत शोककळा पसरली आहे.