Mumbai Pune Highway Accident: पंढरपूरला निघालेल्या भाविकांचा भीषण अपघात

Mumbai-Pune Highway Accident: पुणे महामार्गावर पनवेल तालुका हद्दीत खाजगी बस आणि ट्रॅक्टरचा भीषण अपघात होऊन बस 20 फूट खाली कोसळल्याची दुर्घटना घडलीये. पंढरपूरला निघालेल्या भाविकांच्या बसचा हा भीषण अपघात झालाय. या अपघातात 5 जणांचा मृत्यू झालाय. या बसमधून 54 जण प्रवास करत होते यातील एकूण 42 जण जखमी झालेत. जखमींना कामोठे येथील एमजीएम रुग्णालयात दाखल करण्यात आले असून 7 जणांची प्रकृती गंभीर आहे. मृतांमध्ये बसमधील तिघे आणि ट्रॅक्टरवरील दोघांचा समावेश आहे. बसमधील सर्व प्रवासी हे डोंबिवली मधील रहिवासी होते. खाजगी बस पुढे अचानक ट्रॅक्टर आल्याने हा भीषण अपघात झाल्याची प्राथमिक माहिती समोर येतेय. नवी मुंबई पोलीस आणि सामाजिक कार्यकर्त्यांनी क्रेनच्या मदतीने बसला बाहेर काढले असून मदत कार्य पूर्ण झाल्यावर पुण्याकडे जाणारी लेन वाहतुकीसाठी खुली करण्यात आलीये.