अन्याय आणि जुलूम यातूनच दहशतवाद जन्माला येतो, दिल्ली स्फोटावर अबू आझमींची प्रतिक्रिया|VIDEO

समाजवादी पक्षाचे नेते अबू आझमी यांनी दिल्लीतील बॉम्बस्फोटावर प्रतिक्रिया देताना एक मोठे विधान केले आहे. 'अन्याय आणि जुलूम यातूनच दहशतवाद जन्माला येतो,' असे ते म्हणाले. दिल्लीच्या लाल किल्ल्याजवळ झालेला स्फोट हे इंटेलिजन्सचे अपयश असल्याचे सांगत त्यांनी सरकारवर निशाणा साधला. पंतप्रधान आणि राष्ट्रपती जिथे राहतात तिथे असा हल्ला होणे ही चिंतेची बाब आहे, असेही ते म्हणाले. निरपराध लोकांना खोट्या गुन्ह्यात अडकवू नये, असे सांगताना त्यांनी मुंबई ट्रेन बॉम्बस्फोटाचा संदर्भ दिला. तसेच, निवडणुका जवळ आल्या की अशा घटना घडतात, असे सूचक वक्तव्यही त्यांनी केले. खऱ्या गुन्हेगारांना शोधून सहा महिन्यांत फाशी द्यावी, अशी मागणीही आझमी यांनी केली आहे.