Sunil Kedar : सुनील केदारांनी दिली नागपूर पेटवण्याची धमकी; व्हिडिओ व्हायरल

माजी मंत्री सुनील केदार यांचा धमकीचा एक व्हिडिओ सध्या व्हायरल होत आहे. या व्हिडिओमध्ये त्यांनी संपूर्ण नागपूर जिल्हा पेटवून टाकण्याची धमकी दिली आहे. नागपूरमधील सातगावमधील सरपंच - उपसरपंचाच्या वादातून त्यांनी ही धमकी दिली असल्याचे सांगितले जात आहे.

सातगावमधील सरपंचाने महिला उपसरपंचाला शिवीगाळ केली होती. त्यावरून येथे वाद निर्माण झाला होता. त्यानंतर या सरपंचावर गुन्हा दाखल करण्यात आला होता. मात्र केदार यांच्या व्यक्तव्यावरून त्यांचा सरपंचाला पाठिंबा असल्याचे दिसून येत आहे. त्याच्या केसाला जरी धक्का लागला तरी पूर्ण नागपूर जिल्हा पेटवून देऊ असे त्यांनी या व्हिडिओमधील भाषणात म्हंटलेले दिसत आहे. सातगाव इथे झालेल्या जाहीर सभेमधले ही भाषण आहे. गेल्या काही दिवसांपासून भाजपकडून केदार यांना अडकवण्याचा प्रयत्न होत आहे, त्या विरोधातला रोष अशाप्रकारच्या वक्तव्यातून बघायला मिळत आहे.