VIDEO : मद्यधुंद जेसीबी चालकाने 10 ते 12 जणांना उडवलं, एकाला चिरडलं

लातूर शहरातील कन्हेरी चौकात रात्री उशिरा दारू पिऊन बेधुंद अवस्थेत एका जेसीबी चालकाने रस्त्यावरील 10 ते 12 जणांना उडवल्याची धक्कादायक घटना घडली आहे. दरम्यान यात जालिंदर मुळे या तरुणाचा जागीच दुर्दैवी मृत्यू झाला आहे. भाजीपाला आणण्यासाठी गेलेल्या जालिंदर मुळे याचा या अपघातत जागीच मृत्यू झाला आहे.

दारू पिऊन जेसीबी चालवणाऱ्या तरूणाने 10 ते 12 जणांना उडवत नेले, दरम्यान जालिंदर मुळे हा तरूण जेसीबीच्या चाकाखाली आल्याने चिरडला गेला व त्याचा जागीच मृत्यू झाला आहे. तर नागरिकांनी जेसीबी चालकाला त्वरित पकडून पोलिसांच्या हवाली केलं आहे. मात्र जेसीबीचा मालक कोण आहे हे कळू शकलं नाही.