Ashadhi Vari News: आषाढीवारी पालखी सोहळ्यासाठी 21 कोटींचा निधी मंजूर

आषाढी एकादशीच्या निमित्ताने लाखो संख्येने भक्त पंढरपुरला जात असतात.वारीनिमित्त जाणाऱ्या भक्तांची गैरसोय होऊ नये म्हणून राज्य सरकारकडून २१ कोटींचा निधी मंजूर करण्यात आला आहे. पालखी सोहळ्यासाठी मिळणारा निधी राज्य सरकारकडून पुणे,सातारा आणि सोलापुर या जिल्हापरिषदांना देण्यात येणार आहे. भाविकांना पाणी पुरवठा आणि स्वच्छता गृह यांसारख्या सोयीसुविधा या निधीतून पुरवण्यात येणार आहेत. देण्यात आलेल्या निधीचे योग्य नियोजन करण्याचे आदेश राज्य सरकारकडून जिल्हा परिषदांना देण्यात आले आहे.