IND vs WI 2nd Test: जयस्वालची 'यशस्वी' घोडदौड सुरूच! दुसऱ्याच इनिंगमध्ये तोडला गब्बरचा 'हा' मोठा रेकॉर्ड

Yashasvi Jaiswal Record: या डावात अर्धशतक झळकावताच त्याने शिखर धवनचा मोठा विक्रम मोडून काढला आहे.
yashasvi jaiswal
yashasvi jaiswal saam tv

IND vs WI 2nd Test Yashasvi Jaiswal Breaks Shikhar Dhawan Record: वेस्टइंडीज दौऱ्यावर युवा फलंदाज यशस्वी जयस्वालला भारतीय संघात स्थान दिलं गेलं आहे. त्याला डावाची सुरुवात करण्याची संधी मिळताच त्याने संधीचं सोनं केल्याचं पाहायला मिळालं आहे.

पहिल्या कसोटी सामन्यातील पहिल्याच डावात त्याने जोरदार शतक झळकावले होते. तर दुसऱ्या कसोटीतील पहिल्या डावातही त्याने दमदार अर्धशतकी खेळी केल्याचे पाहायला मिळाले आहे. दरम्यान या डावात अर्धशतक झळकावताच त्याने शिखर धवनचा मोठा विक्रम मोडून काढला आहे.

yashasvi jaiswal
IND vs WI 2nd Test: हिटमॅन इज बॅक! दुसऱ्या कसोटीत रोहितने रचला इतिहास; असा कारनामा करणारा ठरला पहिलाच भारतीय फलंदाज

भारत आणि वेस्टइंडीज या दोन्ही संघांमध्ये २ कसोटी सामन्यांची मालिका सुरू आहे. या सामन्यातील पहिल्या डावात भारतीय संघाकडून रोहित शर्मा आणि यशस्वी जयस्वालची जोडी मैदानात आली होती. या दोघांनी डावाची सुरुवात करताना शतकी भागीदारी केली.

कर्णधार रोहित शर्मा ८० धावा करत माघारी परतला. तर यशस्वी जयस्वालने ५७ धावांचे योगदान दिले. यासह यशस्वी जयस्वाल भारतीय संघासाठी कसोटी सामन्यातील पहिल्या २ डावात सर्वाधिक धावा करण्याच्या बाबतीत तिसऱ्या क्रमांकावर पोहोचला आहे. (Yashasvi Jaiswal Record)

याबाबतीत त्याने दिग्गज फलंदाज शिखर धवनला मागे सोडलं आहे. आपल्या दुसऱ्या डावात अर्धशतक झळकावणाऱ्या यशस्वीने पहिल्याच डावात शतक झळकावले होते. (Latest sports updates)

yashasvi jaiswal
Who Is Mukesh Kumar: टॅक्सी ड्रायव्हरच्या मुलाची टीम इंडियात एंट्री! वाचा कोण आहे मुकेश कुमार?

भारतीय संघासाठी कसोटी क्रिकेटच्या पहिल्या २ डावात सर्वाधिक धावा करण्याचा विक्रम रोहित शर्माच्या नावे आहे. त्याने २८८ धावा केल्या होत्या. तर दुसऱ्या स्थानी सौरव गांगुली आहे. सौरव गांगुलीने २६७ धावा केल्या होत्या.

आता तिसऱ्या स्थानी यशस्वी जयस्वाल विराजमान झाला आहे. त्याने आतापर्यंत २२८ धावा केल्या आहेत. तर शिखर धवनने २१० धावा केल्या होत्या.

यशस्वी जयस्वालला वेस्टइंडीजविरूद्ध सुरू असलेल्या पहिल्या कसोटीत पदार्पण करण्याची संधी मिळाली होती. डॉमिनिका कसोटीतील पहिल्या डावात त्याने ३८७ चेंडूंचा सामना करत १७१ धावा केल्या होत्या.

या डावात त्याने १६ चौकार आणि १ षटकार मारला होता. या सामन्यात देखील त्याने रोहितसोबत शतकी भागीदारी केली होती.

Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.

Related Stories

No stories found.
Marathi News Saam TV
saamtv.esakal.com