WTC Points Table : भारतानं बांगलादेशला पहिल्या कसोटी सामन्यात पराभूत केलं. त्यानंतर दोन तासांतच ऑस्ट्रेलियानं दक्षिण आफ्रिकेला पराभूत केलं. या दोन्ही सामन्यांच्या निकालानंतर वर्ल्ड टेस्ट चॅम्पियनशिपच्या (WTC Point Table) पॉइंट टेबलमध्ये मोठा उलटफेर झाल्याचं बघायला मिळालं. या निकालांचा परिणाम थेट तीन संघांवर झाला. पॉइंट टेबलमध्ये झालेल्या बदलाचा परिणाम थेट भारत, दक्षिण आफ्रिका आणि श्रीलंकेवर झाला.
भारतानं (Team India) 18 डिसेंबरला बांगलादेशविरुद्ध (Ind vs Ban) पहिला कसोटी सामना जिंकला. त्यानंतर वर्ल्ड टेस्ट चॅम्पियनशिपमध्ये भारतानं झेप घेतली. मात्र, भारताच्या विजयानंतर दोन तासांनीच ऑस्ट्रेलिया आणि दक्षिण आफ्रिका यांच्यात झालेल्या कसोटी सामन्यात ऑस्ट्रेलियानं विजय मिळवला. भारतानं पॉइंट टेबलमध्ये जी झेप घेतली होती, त्यात लगेच बदल झाला. (Latest Marathi News)
भारतानं (Team India) बांगलादेशला १८८ धावांनी पराभूत केलं. त्यानंतर बरोबर दोन तासांनी ऑस्ट्रेलियानं दक्षिण आफ्रिकेला ब्रिस्बेन कसोटीत सहा विकेटनं नमवलं. ब्रिस्बेन कसोटीनंतर गुणतालिकेत लागोपाठ दोन मोठे बदल झाले.
वर्ल्ड टेस्ट चॅम्पियनशिप पॉइंट टेबलमध्ये झालेल्या बदलाचा फायदा थेट टीम इंडियाला झाला. भारतीय संघानं बांगलादेशविरुद्ध १८८ धावांनी विजय मिळवला. त्यानंतर भारत चौथ्या स्थानावरून तिसऱ्या स्थानावर पोहोचला. तर ऑस्ट्रेलियानं दक्षिण आफ्रिकेला पराभूत केल्यानंतर दक्षिण आफ्रिकेची एका स्थानानं घसरण झाली, तर भारताला दुप्पट फायदा झाला. भारतानं आता थेट दुसऱ्या स्थानी झेप घेतली. (Maharashtra News)
दक्षिण आफ्रिकेविरुद्ध विजय मिळवल्यानंतर ऑस्ट्रेलिया (Aus Vs SA) ७६.९२ टक्क्यांसह पहिल्या स्थानी कायम आहे. तर दक्षिण आफ्रिकेला पराभवाचा मोठा फटका बसला आहे. ते तिसऱ्या स्थानी घसरले आहेत. तर भारतीय संघाला फायदा झाला आहे. भारत आता दुसऱ्या स्थानी पोहोचला आहे. भारत ५५. ७७ टक्क्यांसह दुसऱ्या स्थानी आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
