वेस्टइंडीज आणि दक्षिण आफ्रिका या दोन्ही संघांमध्ये ३ टी-२० सामन्यांची मालिका पार पडली. या मालिकेत घरच्या मैदानावर खेळताना वेस्टइंडीजचा दबदबा पाहायला मिळाला आहे. सुरुवातीच्या दोन्ही सामन्यांमध्ये दक्षिण आफ्रिकेला धूळ चारल्यानंतर तिसऱ्या सामन्यातही वेस्टइंडीजने दक्षिण आफ्रिकेचा पराभव करत मालिका ३-० ने खिशात घातली आहे.
मालिकेतील तिसरा सामना त्रिनिदादच्या मैदानावर पार पडला. या सामन्यात पावसाने हजेरी लावली होती. त्यामुळे षटकं कमी करण्यात आली होती.
या सामन्यात पावसाने हजेरी लावल्याने हा सामना १३-१३ षटकांचा खेळवण्यात आला होता. या सामन्यातही शानदार कामगिरी करत वेस्टइंडीजने ८ गडी राखून विजय मिळवला आहे. या सामन्याबद्दल बोलायचं झालं, तर वेस्टइंडीजने या सामन्यात नाणेफेक जिंकून प्रथम गोलंदाजी करण्याचा निर्णय घेतला.
या सामन्यात प्रथम फलंदाजी करताना दक्षिण आफ्रिकेला १३ षटकअखेर १०८ धावा करता आल्या. दक्षिण आफ्रिकेकडून ट्रिस्टन स्टब्स चमकला. त्याने १५ चेंडूत ४० धावांची ताबडतोड खेळी केली. या खेळीदरम्यान त्याने ५ चौकार आणि ३ षटकार खेचले.
वेस्टइंडीजला हा सामना जिंकण्यासाठी १०९ धावा करायच्या होत्या. या धावांचा पाठलाग करताना वेस्टइंडीजच्या फलंदाजांनी आक्रमक फलंदाजी करत २२ चेंडू शिल्लक ठेवून हा सामना आपल्या नावावर केला.
या सामन्यात सलामीला फलंदाजीसाठी आलेल्या शाई होपने शानदार सुरुवात करुन देत २४ चेंडूत १ चौकार आणि ४ षटकारांच्या साहाय्याने नाबाद ४२ धावांची खेळी केली. त्यानंतर शिमरोन हेटमायरने १७ चेंडूत ३१ धावांची खेळी करत संघाला विजय मिळवून दिला.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.