Virat Kohli: 'किंग' कोहलीला ऑस्ट्रेलियन दिग्गजाचा सल्ला, "विराट स्वतःशीच लढाई थांबवेल तेव्हाच..."

ऑस्ट्रेलियाविरूद्धच्या पहिल्या वनडे सामन्यात भारतीय चाहत्यांची विराट कोहलीकडून मोठ्या खेळीची अपेक्षा होती. मात्र विराटला ते शक्य झालं नाही. मार्च २०२५ नंतर विराटने आपला पहिला ODI सामना खेळताना, पर्थमध्ये ऑस्ट्रेलियाविरुद्धच्या पहिल्या सामन्यात मिचेल स्टार्कच्या गोलंदाजीवर ऑफ स्टम्पच्या बाहेर खेळताना विकेट गमावली.

शून्यावर बाद झाल्यानंतर, माजी ऑस्ट्रेलियन क्रिकेटपटू मॅथ्यू हेडनने विराट कोहलीला जास्त विचार करणं किंवा स्वतःशी वादविवाद करणं टाळण्याचा सल्ला दिला आहे.

मॅथ्यू हेडनने कोहलीच्या टेकनीक आणि एकूण खेळाच्या दृष्टीकोनावर विश्वास व्यक्त केला, कारण कोहलीने या फॉरमॅटमध्ये भरपूर अनुभव मिळवला आहे.

स्टार स्पोर्ट्सशी बोलताना हेडन म्हणाला की, “विराट कोहलीची स्ट्राइकिंग क्षमता आणि बॉलला स्पर्श करण्याची वेळ अत्यंत उत्कृष्ट आहे. या फॉरमॅटमध्ये १४,००० रन्स केल्यानंतर त्याच्या खेळाच्या दृष्टीकोनावर शंका घेण्यास काही कारण नाही. तो सतत बॉलवर चांगला वेळ घेऊन खेळतो आणि सुरुवातीपासूनच टायमिंग साधतो.”

त्याने पुढे सांगितले, “एक गोष्ट मला आशा आहे की, तो स्वतःसोबतची लढाई थांबवेल किंवा जास्त विचार करणं टाळेल. स्पष्टता, निश्चितता आणि खेळ समजण्याची क्षमता असताना तो फारच घातक ठरतो या गुणांमुळे त्याचा अनुभव त्याला मदत करतो.”

पहिला ODI ऑस्ट्रेलियाने सात विकेट्सने जिंकला. दुसरा सामना गुरुवारी अॅडिलेडमध्ये होणार आहे. या सामन्यात देखील चाहत्यांचं विराट कोहली आणि रोहित शर्मा यांच्या खेळाकडे लक्ष राहणार आहे.

दरम्यान, भारतीय पेसर अर्शदीप सिंगने कोहलीच्या कामगिरीवर भाष्य केलंय. अर्शदीप म्हणाले, “त्याने भारतासाठी ३०० पेक्षा जास्त सामने खेळले आहेत, त्यामुळे ‘फॉर्म’ हा शब्द त्याच्यासाठी फारसा महत्वाचा नाही. तो कसा खेळ सुरू करतो हे त्याला माहीत आहे. त्याच्यासोबत ड्रेसिंग रूममध्ये असणं नेहमीच आशीर्वाद आहे. मला वाटतं की, या सिरीजमध्ये त्याच्याकडून अजून बरेच रन्स येणार आहेत. ”