इंडियाने टाॅस जिंकला : Virat Kohli संघाबाहेर; जाणून घ्या कारण

जोहान्सबर्ग : दक्षिण आफ्रिका संघासमवेत आज हाेत असलेल्या कसोटी मालिकेतील दुसऱ्या सामन्यात भारतीय संघाचा कर्णधार विराट काेहली खेळणार नसल्याचे स्पष्ट झाले आहे. केएल राहुल संघाचे नेतृत्व करीत आहे. जोहान्सबर्ग येथील वँडरर्स स्टेडियमवर हाेत असलेल्या सामन्यात भारतीय संघाने टाॅस जिंकला असून केएल राहूलने फलंदाजीचा निर्णय घेतला आहे. virat kohli missed india vs south africa 2nd test

नाणेफेक जिंकल्यानंतर बोलताना कर्णधार राहुल (kl rahul) म्हणाला हनुमा विहारी हा आजच्या सामन्यात कोहलीच्या (virat kohli) जागेवर खेळणार आहे. पाठदुखीमुळे कोहली आजचा सामना खेळत नसल्याचे स्पष्ट करण्यात आले आहे.

दरम्यान विराटच्या अनुपस्थित अजिंक्य राहाणेने एकदा भारतात आणि ऑस्ट्रेलियात नेतृत्व केले आहे. या सामन्यांमध्ये भारतीय संघ हरलेला नाही. दोन्ही मालिका भारतीय संघाने जिंकल्या. आता अजिंक्य राहाणे संघात असतानाही राहुल कर्णधार आहे. काही महिन्यांपूर्वीच्या इंग्लंड दौऱ्यात राहुल यास संघात स्थान मिळाले नव्हते. मयांकला सरावात दुखापत झाल्याने राहुलला संघात संधी मिळाली आहे. आता राहूल थेट भारतीय संघाचे नेतृत्व करीत आहे.

edited by : siddharth latkar