मै हूँ ना! दक्षिण आफ्रिकेविरुद्ध काेहलीचा खेळण्याचा निर्धार

सातारा : दक्षिण आफ्रिकेविरुद्धच्या (south africa tour) एकदिवसीय मालिकेत खेळणार असल्याचे भारतीय (indian) क्रिकेटपटू विराट कोहली (virat kohli) याने आज माध्यमांशी बाेलताना स्पष्ट केले. काेहली म्हणाला काेण काय लिहित आहे किंवा काय दाखवित आहे हे मला माहित नाही. मी सामन्यांसाठी उपलब्ध आहे. मला ब्रेक (विश्रांती) हवी आहे असे मी कधीही काेणाशी चर्चा देखील केली नसल्याचे काेहलीने स्पष्ट केले.

दक्षिण आफ्रिकेसाठी संघ जाहीर होण्याच्या दीड तास आधी रोहित शर्माच्या (rohit sharma) जागी एकदिवसीय कर्णधारपदाची वर्णी लागल्याचे मला कळले. मुख्य निवडकर्त्याने माझ्याशी कसोटीबद्दल चर्चा केली. कॉल संपण्यापूर्वी मला सांगण्यात आले पाच निवडकर्त्यांनी मी यापुढे एकदिवसीय संघाचा कर्णधार राहणार नाही असा निर्णय घेतला आहे असे कोहलीने पत्रकार परिषदेत नमूद केले.

सलामीचा कसोटी सामना सेंच्युरियन येथे २६ ते ३० डिसेंबर दरम्यान सुपरस्पोर्ट पार्क येथे खेळवला जाईल. जोहान्सबर्गचे वांडरर्स स्टेडियम येथे तीन ते सात जानेवारी दरम्यान दुसऱ्या कसोटी हाेईल. तिसरी आणि शेवटची कसोटी ११ ते १५ जानेवारी दरम्यान केपटाऊनमधील न्यूलँड्स येथे खेळली जाईल. कसोटी व्यतिरिक्त, भारत तीन सामन्यांच्या एकदिवसीय मालिकेत देखील सहभागी होईल.

edited by : siddharth latkar