SRH VS RR LIVE UPDATES: आयपीएल २०२३ स्पर्धेला जोरदार सुरुवात झाली आहे. या स्पर्धेतील चौथा सामना सनरायझर्स हैदराबाद आणि राजस्थान रॉयल्स या दोन्ही संघांमध्ये सुरु आहे.
हा सामना हैदराबादमधील राजीव गांधी आंतरराष्ट्रीय स्टेडीयममध्ये सुरु आहे. दरम्यान या सामन्यात राजस्थान रॉयल्स संघातील वेगवान गोलंदाज ट्रेंट बोल्टने टाकलेल्या एका चेंडूचा व्हिडिओ सध्या सोशल मीडियावर जोरदार व्हायरल होत आहे.
या सामन्यात सनरायझर्स हैदराबाद संघाने नाणेफेक जिंकून प्रथम गोलंदाजी करण्याचा निर्णय घेतला होता. प्रथम फलंदाजी करताना राजस्थान रॉयल्स संघाने २०३ धावांचा डोंगर उभारला आहे. दरम्यान या धावांचा पाठलाग करण्यासाठी आलेल्या सनरायझर्स संघातील फलंदाजांना ट्रेंट बोल्टने सुरुवातीलाच २ मोठे धक्के दिले.
या डावातील पहिले षटक टाकण्याची जबाबदारी ट्रेंट बोल्टला देण्यात आली होती. त्याने या षटकातील तिसऱ्याच चेंडूवर अभिषेक शर्माची दांडी उडवली.
त्यानंतर ५ व्या चेंडूवर त्याने राहुल त्रिपाठीला झेलबाद करत माघारी धाडले. राहुल त्रिपाठीने थर्ड मॅनच्या दिशेने शॉट खेकण्याचा प्रयत्न केला होता. मात्र त्याचा प्रयत्न फसला कारण स्लिपला क्षेत्ररक्षण करत असलेल्या जेसन होल्डरने अप्रतिम झेल टिपला. (Latest sports updates)
अशी आहे दोन्ही संघांची प्लेइंग ११:
सनरायझर्स हैदराबाद:
मयंक अग्रवाल, अभिषेक शर्मा, राहुल त्रिपाठी, हॅरी ब्रूक, ग्लेन फिलिप्स (यष्टीरक्षक), वॉशिंग्टन सुंदर, भुवनेश्वर कुमार (कर्णधार), आदिल रशीद, टी नटराजन, उमरान मलिक, फजलहक फारुकी
राजस्थान रॉयल्स :
यशस्वी जयस्वाल, जोस बटलर, देवदत्त पडिक्कल, संजू सॅमसन (यष्टीरक्षक आणि कर्णधार), रियान पराग, शिमरॉन हेटमायर, जेसन होल्डर, रविचंद्रन अश्विन, ट्रेंट बोल्ट, केएम आसिफ, युझवेंद्र चहल
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.