IND vs NZ, Team India Squad: न्यूझीलंडविरुद्धच्या मालिकेसाठी भारतीय संघाची घोषणा! बुमराहकडे सोपवली मोठी जबाबदारी

Team India Squad For India vs New zealand Test Series: भारत आणि बांगलादेश या दोन्ही संघांमध्ये ३ टी -२० सामन्यांची मालिका सुरू आहे. ही मालिका झाल्यानंतर भारतीय संघ बांगलादेशविरुद्ध ३ कसोटी सामन्यांची मालिका खेळण्यासाठी मैदानात उतरणार आहे. या मालिकेसाठी भारतीय संघाची घोषणा करण्यात आली आहे.

भारत आणि न्यूझीलंड यांच्यातील ३ कसोटी सामन्यांच्या मालिकेला येत्या १६ ऑक्टोबरपासून सुरुवात होणार आहे. हा सामना बंगळुरूतील एम चिन्नास्वामी स्टेडियमवर रंगणार आहे. तर मालिकेतील दुसरा सामना २४ ते २८ ऑक्टोबरदरम्यान पुण्यात रंगणार आहे. मालिकेतील तिसरा सामना १ ते ५ दरम्यान मुंबईतील वानखेडे स्टेडियमवर रंगणार आहे. हे सर्व सामने सकाळी ९:३० वाजता सुरू होतील.

जसप्रीत बुमराहकडे उपकर्णधारपदाची जबाबदारी

बांगलादेशविरुद्धच्या मालिकेपूर्वी जसप्रीत बुमराहकडे कसोटी संघाच्या उपकर्णधारपदाची जबाबदारी होती. मात्र बांगलादेशविरुद्धच्या मालिकेसाठी भारतीय संघाची घोषणा करण्यात आली, तेव्हा त्याचा उपकर्णधार म्हणून उल्लेख करण्यात आला नव्हता. आता पुन्हा एकदा त्याच्याकडे ही जबाबदारी सोपवण्यात आली आहे. दरम्यान भारतीय संघात कुठलाही बदल करण्यात आलेला नाही. ज्या खेळाडूंना बांगलादेशविरुद्धच्या कसोटी मालिकेसाठी संधी देण्यात आली होती. त्याच खेळाडूंचा या मालिकेसाठी समावेश करण्यात आला आहे.

न्यूझीलंडविरुद्धच्या ३ कसोटी सामन्यांसाठी भारताचा संघ: रोहित शर्मा (कर्णधार), जसप्रीत बुमराह (उपकर्णधार), यशस्वी जयस्वाल, शुभमन गिल, विराट कोहली, केएल राहुल, सरफराज खान, रिषभ पंत (यष्टिरक्षक), ध्रुव जुरेल (यष्टिरक्षक), आर अश्विन, रविंद्र जडेजा, अक्षर पटेल, कुलदीप यादव, मोहम्मद. सिराज, आकाश दीप