T20 WC 2024 AFG vs SA : अररर्रर खतरनाक! दक्षिण आफ्रिकेच्या गोलंदाजांचा भेदक मारा; अफगाणिस्तानचा संघ ५६ धावांवर ALL OUT!

आज त्रिनिदाद येथे दक्षिण आफ्रिका आणि अफगाणिस्तान यांच्यात T20 विश्वचषकातील उपांत्य फेरीचा पहिला सामना खेळला जातोय. या सामन्यात अफगाणिस्तानचा कर्णधार राशिद खानने नाणेफेक जिंकून प्रथम फलंदाजी करण्याचा निर्णय घेतला. परंतु दक्षिण आफ्रिकेच्या गोलंदाजांच्या भेदक माऱ्यापुढे अफगाणचे पठाण अवघ्या ५६ धावांवर ढेर झालेत. अफगाणिस्तानच्या १० खेळाडूंना दुहेरी आकडाही गाठता आला नाहीये.

या उपांत्य फेरीच्या पहिल्या सामन्यात दक्षिण आफ्रिका आणि अफगाणिस्तान आमनेसामने आलेत. या सामन्यात आफ्रिकेच्या गोलंदाजांनी भेदक गोलंदाजी केली. मार्को जॅनसेन आणि तबरेझ शम्सी यांनी ३-३ बळी घेतले. तर रबाडा आणि एनरिकने २-२ विकेट घेत अफगाणिस्तानला नांगी टाकण्यास भाग पाडलं. आफ्रिकन गोलंदाजांनी पहिल्याच षटकापासून भेदक मारा सुरू केला होता. अफगाणिस्तानचा संपूर्ण संघ अवघ्या ११.५ षटकांत गडगडला.