Rohit Sharm World Record: रोहित शर्माच्या नावे मोठा विक्रम, अनेक दिग्गजांना सोडलं मागे

T20 World Cup : टीम इंडियाचा कर्णधार रोहित शर्माने (Rohit Sharma) ICC T20 विश्वचषकात नवा विक्रम केला आहे. रविवारी दक्षिण आफ्रिकेविरुद्धच्या सामन्यात रोहितने इतिहास रचला आहे. सर्वाधिक सामने खेळणाऱ्या खेळाडूंच्या यादीत रोहित शर्माने अनेक दिग्गजांना मागे टाकत जागतिक विक्रम केला आणि अव्वल स्थान पटकावले.

2007 मध्ये खेळल्या गेलेल्या पहिल्या विश्वचषकापासून रोहित शर्मा या स्पर्धेत खेळत आहे. सर्व फॉरमॅटमध्ये खेळलेल्या रोहितने केलेला विक्रम मोडणे सोपे नाही. रविवारी मैदानात उतरताच रोहित दक्षिण आफ्रिकेविरुद्ध टी-20 वर्ल्ड कप मॅचमध्ये सर्वाधिक सामने खेळणारा खेळाडू ठरला. या सामन्यापूर्वी श्रीलंकेचा माजी दिग्गज खेळाडू तिलकरत्ने दिलशानसोबत रोहित संयुक्तपणे पहिल्या स्थानावर होता. (Sports News)

T20 विश्वचषकातील सर्वाधिक सामने

ICC T20 विश्वचषक स्पर्धेत सर्वाधिक सामने खेळण्याच्या बाबतीत रोहित शर्मा अव्वल स्थानावर आहे. आतापर्यंत त्याने एकूण 35 सामने खेळले आहेत. याआधी टी-20 विश्वचषकातील सर्वाधिक सामने खेळण्याचा विक्रम श्रीलंकेच्या दिलशानच्या नावावर होता. यादीत तिसऱ्या क्रमांकावर वेस्ट इंडिजचा माजी अष्टपैलू खेळाडू ड्वेन ब्राव्होचे नाव आहे, ज्याने 34 सामने खेळले आहेत. पाकिस्तानच्या शाहिद आफ्रिदीनेही 34 सामने खेळले आहेत. तर या स्पर्धेत खेळत असलेला बांगलादेशचा कर्णधार शकीब अल हसननेही तेवढेच सामने खेळले आहेत.

T20 विश्वचषकातील सर्वाधिक सामने खेळलेले खेळाडू

• रोहित शर्मा (भारत) - 36*

• तिलकरत्ने दिलशान (श्रीलंका) - 35

• ड्वेन ब्राव्हो (वेस्ट इंडिज) - 34

• शाहिद आफ्रिदी (पाकिस्तान) - 34

• शकीब अल हसन (बांगलादेश)- 34*